Најновата листа на милијардери на Форбс дава преглед на 3.028 најбогати луѓе на планетата, чие вкупно богатство се проценува на дури 16,1 трилиони долари.
На врвот е сè уште Елон Маск, чија нето вредност се искачи на 342 милијарди долари – со проценки дека тој би можел да стане првиот трилионер во светот.
Ви претставуваме преглед на Топ 10 најбогати луѓе во светот во 2025 година, според Форбс.
1. Елон Маск – 342 милијарди долари
Основачот на Тесла и СпејсИкс е повторно на врвот. Богатството на Маск расте благодарение на глобалната експанзија на електричните возила, вселенската индустрија и развојот на технолошки проекти. По одобрувањето на новиот план за компензација во Тесла, Маск – доколку ги постигне поставените цели – би можел да стане првиот трилионер во историјата.
2. Марк Закерберг – 216 милијарди долари
Основачот на Facebook/Meta продолжува да бележи силен раст на богатството благодарение на проектите за вештачка интелигенција, развојот на Metaverse и агресивните технолошки иновации.
3. Џеф Безос – 215 милијарди долари
Основачот на Amazon го држи третото место. Иако се повлече од кормилото на компанијата, глобалниот раст на е-трговијата и услугите во облак продолжува да привлекува огромни количини капитал.
4. Лари Елисон – 192 милијарди долари
Коосновачот на Oracle останува еден од највлијателните луѓе во технолошкиот сектор. На 80 години, неговата деловна моќ е сè уште импресивна.
5. Бернар Арно и семејството – 178 милијарди долари
Сопственикот на луксузната империја LVMH продолжува да го води секторот со луксузни брендови – од Louis Vuitton до Dior и Sephora.
6. Ворен Бафет – 154 милијарди долари
„Пророкот од Омаха“ останува инвестициска легенда дури и на 94-годишна возраст. Долгорочната стратегија на Беркшир Хатавеј продолжува да генерира рекордни приноси.
7. Лари Пејџ – 144 милијарди долари
Коосновачот на Google профитира од силниот раст на компанијата во вештачката интелигенција и услугите во облак.
8. Сергеј Брин – 138 милијарди долари
Брин, исто така коосновач на Google, останува еден од највлијателните иноватори во технолошката индустрија.
9. Амансио Ортега – 124 милијарди долари
Основачот на модната империја Зара/Индитекс продолжува да држи лидерска позиција во глобалната малопродажба.
10. Стив Балмер – 118 милијарди долари
Поранешниот извршен директор на Microsoft и сопственик на ЛА Клиперс ја заокружува листата на најбогати со 118 милијарди долари.
Фото – FLickr
