Откако куклите Лабубу, кои се најдоа на чантите на познати личности од Ријана до Ким Кардашијан, го освоија светот, се појави нов кандидат за врвен симпатичен додаток. Запознајте го Мируми, плишан робот сличен на мрзливец, чија единствена цел е да седи на вашата чанта, да изгледа симпатично и срамежливо да го набљудува светот околу себе, па дури и да реагира кога го галите.
Дизајнирано од Iukai Engineering, оваа необична креација го добива своето име од јапонските зборови за „часовник“ и „плишано животно“. Под неговиот плишан надворешен дел роботот има две раце за фаќање што се прикачуваат на ремен за чанти, сензори и мали мотори што му овозможуваат да се движи.
Иако не може да разбира зборови, Мируми „слуша“ звуци и може да реагира на гласови во близина. Кога ќе детектира звук, неговиот прилагоден алгоритам ќе го натера срамежливо да погледне кон изворот пред да погледне настрана. Покрај тоа, благодарение на сензорите во главата, тој реагира и на допир. За да изгледа уште поживо, Мируми повремено се движи дури и кога ништо не се случува околу него.
Креаторите го опишуваат Мируми како „шармантен робот“ дизајниран да имитира. На социјалните медиуми, обожавателите веќе ја нарекоа оваа мала играчка следниот Лабубу.
Сепак, за гаџет кој е дизајниран да не прави речиси ништо Мируми не е евтин – цената на еден робот е 125,50 евра. Моментално е достапен за претпродажба на Kickstarter, а првите испораки се очекуваат во мај следната година.
Доколку ја пропуштите оваа можност, од Iukai Engineering велат дека официјалното претставување на производот е планирано за април 2026 година. Мируми е достапен во три бои: слонова коска, розова и сива.
(Bizlife)
(фото: Kickstarter)
