Српскиот стартап Ride & Stride (R&S) им дава можност на компаниите да ги наградуваат своите вработени секогаш кога ќе дојдат на работа со автомобил или со јавен превоз, велосипед или пеш. Со ова одржливо патување вработените добиваат поени во мобилната апликација R&S, кои подоцна можат да ги замернат за награди или попусти во бројни продавници, додека компанијата добива помош во остварувањето на сè порелевантни ESG (Environmental, Social, and Governance) цели.
Таквата придобивка за вработените и компанијата е дизајнирана да поттикне еколошки начини на патување на работа, што го намалува загадувањето и метежот за време на сообраќајниот шпиц. Вработените кои избираат одржливи начини на патување имаат можност да добијат попусти на велосипеди, е-велосипеди, фитнес опрема, одржлива козметика, производи за здрава храна и други поволности што ги нудат R&S партнерите.
Со воведување на R&S апликација компаниите им помагаат на вработените да заштедат време и пари, но и да изградат култура на одржливост и да придонесат за заедницата со конкретни еколошки резултати.
Пред година и половина Ride & Stride беше дел од програмата Attic42 Company Builder Incubator, каде што беше избран за еден од четирите најдобри тимови од 52 стартапи. Програмата го подготви тимот на Ride & Stride за идните предизвици, меѓу другото им помогна да обезбедат финансии преку Фондот за иновации. Со овие средства тие развија мобилна апликација наменета за компании кои сакаат да ги подобрат своите социјални и одржливи практики, но и да понудат нова поволност за своите вработени.
Денес, Ride & Stride не е само апликација – тоа е движење кон поодржливо и поодговорно деловно опкружување. Преку партнерства со компании овој стартап ги трансформира секојдневните навики на вработените и има за цел да докаже дека малите промени можат да имаат големо влијание врз заедницата и планетата.
(Bizlife)
(фото: Ride and Stride)
