Велика Британија го презентираше планот за затворање на првата од вкупно осум електроцентрали на јаглен во текот на 2018 година. Централата ќе престане да произведува струја, а останатите седум би требало да се затворат најдоцна до 2025 година, пишува The Guardian.
Овој план е еден од клучните еколошки политика на конзервативната партија и доаѓа откако премерката Тереза Меј одржа говор наменет на тема заштита на средината. Претходно, три електроцентрали беа затворени во 2016 година, најголемиот дел од оние кои уште работат до 2022 година, а последните до октомври 2025 година кога стапуваат на сила засилени еколошки стандарди.
Владата сепак ќе има моќ да го прекине спроведување на планот во случај на огромен недостаток на струја во државата. Но извори кажуваат дека нема да дојде до таква ситуација бидејќи празнината ќе биде пополнета со капацитетите на нафтените станици кои остануваат да работат подолго.
Иако ниту една централа не беше затворена во текот на 2017 година, официјалната проценка на властите е дека поради данокот на јаглерод и ниските цени на горивата, профитабилноста на електроцентралите на јаглен е опадната.
Со електроцентралата која ќе се затвори годинава ќе се изгубат околу 250 работни места. Затворањето на ваквите електроцентрали сепак беше очекувано, бидејќи од 2012 година па наваму нивната функционалност е намалена за 80%.
