Годишното истражување Demographia International Housing Affordability Survey: 2018 на вкупно 300 градови во светот резултираше со листа од најскапите градови за живот на планетата Земја. Во анализата беа вклучени 293 пазари за недвижности во вкупно 9 земји: Австралија, Канада, Хонгконг, Ирска, Јапонија, Нов Зеланд, Сингапур, Обединетото Кралство и САД во третиот квартал од 2017 година.
Со помош на пристапот на мерење на средната цена на недвижностите во една област и делење на таа сума со просечните приходи на домаќинствата во таа област се добива годинапната листа со најскапи градови. Со овој метод се покажа кои градови воопшто не може да се дозволат за живот, а најскапите од нив се во САД, Австралија, Нов Зеланд, Канада и во Кина.
Како што пишува Business Insider, истражувањето вклучува секакви градови, не само големи пазари.
Еве ги топ 10 најскапите градови за живот во светот во моментот:
10. Тауранга, Нов Зеланд
9. Салинас и Сан Франциско, Калифорнија, САД
8. Хонолулу, Хаваи, САД
7. Лос Анџелес и Санта Барбара, Калифорнија, САД
6. Мелбурн, Австралија
5. Сан Хозе, Калифорнија, САД
4. Санта Круз, Калифорнија, САД
3. Ванкувер, Канада
2. Сиднеј, Австралија
1. Хонгконг, Кина
