Хрватска компанија која одгледува туна отвори погон во Хонгконг

Туната која ја одгледува компанијата Kali tuna во кафези од минатиот петок се наоѓа на огромниот пазар во Хонгконг. Имено, компанијата сопственик на Kali tunа, J-Trading Inc. на Јапонецот Џиро Камбе во Хонгконг основала компанија наречена Kali Tuna H.K. Co., Ltd, а новиот погон за подготовка на туната за тамошниот пазар со систем за разладување е отворен од вчера.
Kинеската Kali tunaсе отвора ден ден по предвиденото завршување на најголемиот саем за рибарската индустрија и трговијата,  Seafood Expo Asia 2019, кој требаше да почне минатиот вторник и да трае до четврток, но беше одложен поради нередите во Хонгконг.
Погонот на J-Trading во Хонгконг ќе биде опремен со 10 моќни замрзнувачи, кои туната ќе ја чуваат на температура од -60 степени. Освен тоа, во погонот ќе има и два големи ладилници за подготовка на туна за консумација. Како што ијзави Џиро Камбе, мисијата на овој најголем производител на висококвалитетна туна е да го понуди тој врвен производ не само во луксузните ресторани, туку и директно на самите потрошувачи во земјите од источна Азија, вклучувајќи го и Хонгконг.
Месото на туната одгледана во кафези веќе одамна се служи  во луксузните ресторани ширум светот од Калифорнија до Дубаи, каде што тамошниот ресторан од светскиот суши синџир Nobu, кој е во делумна сопственост ма славниот актер Роберт де Ниро, веќе две години за своите специјалитети служат јадранска туна.
Истапувањето на Ј-Trading на огромниоѕ пазар во Хонгконг, Кина и Источна Азија е еден од најбитните бизнис потези на компанијата од основањето на „Kali tunа.