25 C
Skopje
понеделник, јули 6, 2020

Обновливите извори на енергија по прв пат се главен извор на електрична енергија во ЕУ

Kabtel desktop

Обновливите извори на енергија во текот на 2019 година биле најголем европски извор на електрична енергија. Ова е прв пат обновливите извори да го преземат приматот од фосилните горива, при што хидроенергијата и понатаму е главен обновлив извор, покажува анализата на компанијата EnAppSys.

Во извештајот на компанијата за пазарот на електрична енергија се наведува дека од обновливи извори лани во ЕУ биле произведени 1029 терават-часови електрична енергија, наспрема 941 терават-часови произведени од фосилни горива и 777 терават-часови од нуклеарни централи.

Преведено во проценти, во 2019 година 37,5% од производството на електрична енергија дошло од обновливи извори, 34,3% од фосилни горива и 28,3% од нуклеарните електрани.

Од произведената електрична енергија од обновливи извори најголем дел и понатаму доаѓа од хидроелектраните и во 2019 година хидроцентралите произведел 425,8 терават-часов електрична енергија. Ветроелектраните 382,5терават-часови, a соларната енергија се зголемила од 81 терават-час во 2015 година на 113,5 терават-часови минатата година. Во таа временска рамка значително пораснала и енергијата од биомаса – од 65,7 TWh на 92,6 TWh.

Сподели!
  •  
  •  

НАЈПОПУЛАРНИ

Сподели!
  •  
  •