Видео: Осмоаголна куќа во Северна Италија се ротира за цели 360 степени

Оваа куќа во Северна Италија може да ротира за цели 360 степени. Архитектот Роберто Роси ја дизајнирал Осмоаголната куќа која се балансира на една централна оска и може да се ротира во двата правци – и налево и надесно.

На тој начин на сопствениците им овозможува различен видик секој ден и се насочуваат соларните панели поставени на кровот под соодветен агол за максимално искористување на соларната енергија.

Инспирацијата за куќата ја добил од Вила Џирасоле, ротирачки италијански дом изграден во 30-тите години на минатиот век во близина на градот Римини.

Куќата на архитектот Роси ја изградила компанијата Protek. Според Роси, куќата ја генерира сета енергија што може да ја потроши.