Филипче: Кафетериите и рестораните да го скратат работното време до 18 часот

Министерот за здравство Венко Филипче на денешната прес-конфернција информираше за воведување на дополнителни мерки како превенција од ширењето на коронавирусот.

Меѓу нив е и одлуката кафетериите и рестораните да го скратат работното време до 18 часот и, истовремено, да го преполоват капацитетот на присутни гости, за да има дистанца меѓу нив.

Се препорачува меѓу гостите на локалите да има оддалеченост од 1,5 до 2 метра, посочи министерот.

Тој кажа дека се затвораат и сите места кај што се собираат граѓани, како вежбалници, кина, театри и обложувалници, а се откажуваат и сите кино-проекции, театри и концерти.