Долго време, Toyota се спротивставуваше и не сакаше да ја игра играта на речиси сите производители на автомобили, но времињата се менуваат, рекле старите Римјани…
Само до неодамна определбата за електрична транзиција на останатите производители не ги засегаше Јапонците се додека Европската Унија не одлучи да стави крај на бензинот и дизелот во 2035 година.
Таа одлука автоматски значи дека хибридите на Тoyota потоа ќе станат забранети производи на пазарите ширум ЕУ. Јапонскиот автомобилски гигант испраќа сигнал дека ќе инвестира 14 милијарди долари во развојот на батерии за електрични автомобили во следните десет години.
До 2025 година, планира да воведе батерии со цврсти електролити што би биле голем безбедносен чекор напред, а идејата е да ги преполови трошоците за производство на батерии до крајот на деценијата. Исто така, Toyota планира да изгради батерии кои ќе задржат 90 проценти од нивниот капацитет дури и по десет години употребa.
Извор – Авто Клуб
