Дигитализацијата го менува начинот на кој работиме, живееме и ги решаваме секојдневните предизвици. Новите технологии нудат револуционерни можности за заштита на животната средина, солидна безбедност и она што е најважно во секој бизнис – подобра и побрза услуга за клиентот. Можеби и најважното во оваа равенка е исходот – заштедата на најскапата работа на денешницата – времето. Леснотијата со која една обврска или ангажман може брзо да се заврши, без лично присуство на корисникот, резултира со повеќе слободно време. Време кое може да се искористи за бизнис или за лично задоволство. Изборот е на оној што заштедил.
Како може вистински да имаме корист од еколошките решенија на технологијата и да ја искористиме дигитализацијата за да ја заштитиме животната средина? Еден едноставен пример е вишок печатена хартија. Во дигиталниот свет, каде секојдневно се случуваат нови трансформации, концептот на дигитален потпис целосно го засени стариот хартиен потпис. Особено за време на пандемијата, кога речиси воопшто немавме пристап до традиционалниот начин на потпис.
„Ни требаа децении да се откажеме од печатот, а сега се прашуваме дали тоа навистина ни помогна. По соочувањето со пандемијата, бевме принудени наеднаш да се откажеме дури и од физичките документи и нивните рачно напишани потписи, поради природата на социјалното и физичкото дистанцирање кое стана неопходност“, вели Адриан Блидарус, основач на ИТ компанијата Softelligence.
Иако во секое време многу лесно може да докажеме дека дигиталниот потпис е посигурен, секогаш ќе преовладува онаа емоционална приврзаност кон старите хартиени, рачно пишани потписи. Сепак, се наоѓаме во критичен момент, кога промената веќе не е само пожелна, туку задолжителна. Продолжувајќи со овој модел, дигиталниот потпис ќе биде прв на листата на дигиталната трансформација и е во фокусот на речиси сите индустрии. Доволно е само да сфатиме колкав е бројот на документи кои се создадени на хартија, а сега поради дигитална трансформација, станаа целосно дигитални. Иако се нуди солидна безбедност и заштита, се уште постои страв од губење на податоци или сајбер криминал. За среќа, технологијата е доволно напредна кога станува збор за овие видови ризици за секоја организација.
„Покрај помладата генерација (под 30 години) за кои ова дигитализирано однесување е природно, луѓето од сите возрасти и потекло ќе станат свесни дека дигитализацијата може да ги направи работите полесни и побезбедни“, додава Блидарус.
„Интересните времиња“ со себе, покрај емоционалното влијание, носат и цела низа трансформации и можности од кои долгорочно ќе има корист целиот свет. Спроведувањето на нови технолошко-културни трансформации е потег кој секоја организација треба да е подготвена да го примени. На крајот, сè се сведува на ветувањето за безбедно и ефикасно користење на услугите, што е основа на секој солиден бизнис.
