Кинеското Министерство за наука и технологија објави план за изградба на Пекинг во голем меѓународен научно-технолошки центар за иновации во светот до 2025 година. Како што пренесува Sinhua, планот заеднички го формулирале 12 одделенија со цел да се забрза аучно-технолошката самодоверба, да се поддржи развојот на висок квалитет и да се трансформира градот во голем научен центар и глобален центар за иновации.
Планот ги дефинира развојните цели на Пекинг да стане извор на технолошки иновации во најсовремената наука и во индустриите во настанување, како и локација за конвергенција на глобални иновациски елементи.
Во планот се нагласува се поголема поддршка за основните истражувања на полиња како што се математика, физика, хемија и науките за животот, како и создавање аранжмани за најсовремени научни истражувања како што се вештачката интелигенција и биотехнологијата.
Планот, исто така, предлага ефикасно решавање на низа клучни и суштински технички проблеми и повикува трошоците за истражување и развој а се задржат на околу 6% од регионалниот БДП. Во меѓувреме, основните истражувања би требало да чинат околу 17% од трошоците за истражување и развој.
Годишната додадена вредност на високотехнолошките индустрии ќе надмине 172 милијарди долари, додека бројот на работници во истражување и развој ќе биде околу 260 на секои 10.000 вработени, се вели во планот.
(Bizlife)
(фото: Flickr)
