Руски поларни истражувачи успешно одгледаа лубеници во станицата Восток на Антарктикот, кое е најладното место во светот, соопшти Институтот за истражување на Арктикот и антарктикот (AARI).
„Резултатите од експериментите се импресивни. Успеавме да одгледаме лубеници најјужно, во најтешките услови на Антарктикот. Вкусот и мирисот не се ништо полоши од лубениците кои ги имаме дома. Големината на плодовите е 13 см во пречник, а тешки се до 1 кг“ изјави Андреј Тепљаков, геофизичар при AARI, кој го предводи проектот во станицата Восток.
Експериментот бил заеднички проект на AARI, Институтот за агрофизички истражувања и Институтот за биомедицински проблеми при Руската академија на науки.
AARI во соопштението наведува дека поволните услови за билките како што се температурата и влажноста на воздухот научниците ги создале со помош на фитотехнички комплекс, кој заеднички го дизајнирале Астрофизичкиот институт и научниците.
„При одгледувањето на билките користена е тенкослојна замена за почва, хранливи раствори и посебно осветлување. На почетокот на април беа засадени две сорти лубеници кои рано зрејат и се способни да се прилагодат на нискиот атмосферски притисок и недостигот на кислород. Цветовите рачно беа опрашени на крајот на мај, а во јули поларните опрашувачи можеа да ги пробаат првите плодови. Целиот процес траеше 108 дена”, велат во соопштението.
Директорот на AARI, Александар Макаров, вели дека освен научниот интерес и практичната корист од свежото овошје, бобинките и зелјето, заедничкиот проект имал бројни дополнителни предности.
„Стакленикот на станицата позитивно влијае на емотивната состојба на поларните истражувачи. Долго време се зборува за одгледување билки во сите руски поларни станици, но потребни се прецизни пресметки на ефикасноста и трошоците за проектот“ вели Макаров.
Тоа е так затоа што многу истражувачи поминуваат месеци во изолација, во услови на поларни ноќи, ниски температури и ограничен животен простор. Експериментот наречен „Plants” е покренат во Восток во февруари 2020 година, а оттогаш научниците успешно го разработија системот за одгледување 80 видови зеленчук, вклучувајќи ги и доматите, пиперките, копарот, спанаќот, зелјето итн. Следната цел на тимот е да ја развие технологијата за одгледување капини, боровинки и јагоди.
(Klix.ba)
(фото: Flickr)
