Истражувачи од Јапонија потврдија дека микропластиката е присутна и во облаците, каде што веројатно влијае на климата на начини кои уште не ги разбираме.Во студијата објавена во списанието Environmental Chemistry Letters јапонските научници велат дека се искачиле на планините Фуџи и Ојама за да соберат вода од маглата која ги обвиткува врвовите, а потоа примениле напредни техники на снимање за да ги утврдат хемиските и физичките својства на водата.
Така тимот идентификувал девет различни типови на полимери и еден вид на гума во воздухот, чија величина била од 7,1 до 94,6 микрометри. Секој литар тестирана вода од воздухот содржел од 6,7 до 13,9 парчиња пластика.
„Ако прашањето за загадувањето со пластика не се реши проактивно, климатските промени и еколошките ризици може да станат реалност и да предизвикаат сериозна и неповратна штета на околината“ предупредува главниот автор на истражувањето, Хироши Окочи, од Универзитетот Васеда.
Кога микропластиката ќе дојде до горната атмосфера и ќе биде изложена на ултравиолетовите зраци на сонцето, таа се разградува и придонесува за создавањето стакленички гасови, вели Окочи.
Микропластиката, односно пластичните честички со големина под 5 милиметри кои потекнуваат од индустриските отпадни води, тесктилот, синтетитчките автомобилски гуми, производите за лична нега и другите извори – веќе е откриена во рибите, во арктичкиот мраз и во снегот на планините Пиринеи меѓу Франција и Шпанија.Меѓутоа, уште е нејасно на кој начин пластиката стигнува дотаму.
„Според нашите сознанија, ова е првиот извештај за присуство на микропластик во вода од облаци“ велат авторите во својата студија. Тие додаваат дека нивните истражувања покажале дека микропластиката ја голтаат или ја вдишуваат и луѓето и животните и дека е откриена во повеќе органи како што се белите дробови, срцето, крвта, постелката и изметот.
Тоа имплицира дека микорпластиката можеби станала есенцијална компонента на облаците и контаминира речиси се што јадеме и пиеме преку ‘пластичните дождови’, велат од Универзитетот Васеда.
(Al Jazeera Balkans)
(фото: Flickr)
