Во галаксија оддалечена 300 милиони светлосни години забележано е нешто што досега не било видено во живо: зголемување на осветленоста поврзано со нагло зголемување на активноста на црната дупка во нејзиниот центар
“Замислете дека со години набљудувате далечна галаксија и таа секогаш изгледала мирно и неактивно, но одеднаш нејзиното јадро почнува да покажува драматични промени во осветленоста, како ниеден друг настан регистриран досега” – ова се зборовите што го опишуваат новото астрономско откритие од Пола Санчез Саез од Европската јужна опсерваторија, која е главен автор на трудот за феномен кој никогаш претходно не бил директно снимен.
Таа ги опишува настаните во галаксијата SDSS1335+0728, сега класифицирана како активно галактичко јадро со црна дупка во нејзиниот центар. Клучните промени во таа галаксија беа забележани во 2019 година, кога била забележана промена во осветленоста.
За да разберат за што се работи, астрономите на опсерваторијата користеле податоци од неколку телескопи, како и од нивниот VLT (Very Large Telescope), за да го проучат овој феномен. Она што тие го заклучиле и што беше објавено во списанието Astronomy & Astrophysics е дека за прв пат во историјата биле сведоци на будење на црна дупка „во живо“.
Слични феномени може да се случат кога црна дупка проголтува ѕвезда или поминува низ период на супернова, па далечните галаксии одеднаш значително осветлуваат. Меѓутоа, во овој случај зголемувањето на осветленоста продолжува и денес, повеќе од четири години по првичното набљудување. Галаксијата, оддалечена 300 милиони светлосни години од нас и сместена во соѕвездието Девица, затоа поминува низ нешто невидено.
Судејќи според податоците од неколку телескопи и во различни светлосни спектри, масивната црна дупка, над сто илјади пати помасивна од нашето Сонце, „спиела“ во центарот на набљудуваната галаксија пред тој настан. Меѓутоа, потоа почнала да го „голта“ материјалот околу себе, создавајќи блескава материја, која сјае значително посветло од порано.
„Ова е нешто што може да се случи и со нашата масивна црна дупка Sagittarius А*, која се наоѓа во центарот на нашата галаксија“, вели коавторот на студијата, Клаудио Ричи.
(Bug.hr)
(фото: Needpix)
