Властите во Дубаи го тестираа првиот електричен дрвен чамец направен со технологија за 3Д печатење. Чамецот, кој може да прими 20 патници, го произведе глобалната поморска организација Al Seer Marine од Абу Даби, во соработка со компаниите Tasneef Maritime, Mitsubishi, Siemens и Torqeedo.
Овој брод е дизајниран да го задржи својот традиционален идентитет, но во исто време ја поддржува стратегијата за 3Д печатење на Дубаи со цел да ги трансформира Обединетите Арапски Емирати во водечки центар за технологија за 3Д печатење до 2030 година. Овој иновативен пристап се очекува да го намали времето на производство за 90%, трошоците за 30% и да ги намали трошоците за работа и одржување за 30%.
Електричниот брод Abra е усогласен со стратегијата за еколошка одржливост на поморскиот транспорт, а целта е да се намали емисијата на јаглерод во Дубаи. Технички, новиот чамец има неколку значајни карактеристики. Ја има најдолгата монокок структура произведена со помош на 3Д печатач, долг е 11 метри и широк 3,1 метар. Бродот се напојува со електричен погонски систем со два мотори од 10 kW и литиумски батерии.
Абра ќе биде тестиран на линијата TR6, а во овој период ќе се следат перформансите на бродот во споредба со таквите чамци направен од од фиберглас, кои исто така собираат 20 патници.
Властите се фокусирани на подобрување на постојната инфраструктура за транспорт на вода, вклучувајќи четири традиционални станици за чамци во Дубаи Крик. Две станици се веќе готови, додека работата на преостанатите две ќе биде завршена до август 2025 година. Подобрувањата вклучуваат нови пловечки докови, проширени места за чекање и подобрени функции за пристапност со цел подобро да се опслужуваат 14 милиони патници годишно, а истовремено да се намалат трошоците за одржување. Во овој процес ќе се користат одржливи и евтини материјали, а годишните трошоци за одржување ќе се намалат за 10%.
(Klix.ba)
(фото: YouTube)
