Airbus, најголемиот светски производител на комерцијални авиони, најави дека ќе укине до 2.500 работни места во воениот и вселенскиот сектор како дел од реструктурирањето на своите деловни активности.
Бројот на работни места во тие сектори ќе се намали до средината на 2026 година, пред се поради зголемените трошоци и поголемата конкуренција, пренесува Financial Times (ФТ).
Директорот на тие сектори, Мајк Шелхорн, предупреди на прекини во синџирот на снабдување, предизвикувачко, брзо менување на деловното опкружување и раст на трошоците што ги надминува буџетските ограничувања.
Ревитализацијата на операциите во овој сектор започната минатата година и почна да вродува со плод, особено во однос на оперативните перформанси и управувањето со ризикот, но Шелхорн изјави дека Airbus треба да преземе дополнителни чекори.
Се очекува дека Airbus најмногу ќе го намали бројот на работни места во бизнисот поврзан со вселената, бидејќи во оваа сфера се забележани многу високи еднократни трошоци, како и силна конкуренција, додава Financial Times.
(Financial Times)
(фото: )
