Експериментите со ткиво на црниот дроб планирани за Меѓународната вселенска станица може на крајот да обезбедат алтернатива на црниот дроб за трансплантација. Оваа вест ја објавија истражувачите на Клиничкиот конгрес на Американскиот колеџ за хирурзи во Сан Франциско.
Досега завршените експерименти покажуваат дека уникатните услови на ниска орбита на Земјата, на оддалеченост од 1.200 милји од Земјата, ќе им помогнат на ткивата на црниот дроб да добијат подобра функционалност во споредба со методите базирани на Земјата, велат тие.
„Ова претставува критичен чекор кон создавање одржливи импланти на ткиво на црниот дроб, кои би можеле да послужат како алтернатива или додаток на традиционалните трансплантации на црн дроб“, вели водачот на студијата, д-р Тами Чанг од Универзитетот во Калифорнија, Сан Франциско.
Клетките во експериментите се создадени од нормални човечки клетки, репрограмирани да дејствуваат како ембрионални матични клетки, што значи дека можат да се променат во многу различни типови на клетки. За разлика од методите за инженерство на ткиво врзани за Земјата, микрогравитацијата им овозможува на клетките слободно да лебдат и природно да се организираат, што резултира со физиолошки попрецизни ткива, објаснуваат истражувачите.
Тие развиле прилагоден биореактор, наречен Tissue Orb, за да ги сместат нивните експериментални ткива, кој го симулира природниот процес на проток на крв во човечките ткива, пренесува Reuters Health.
Истражувачите, исто така, работат на напредни техники за ладење за да овозможат безбеден транспорт на инженерските ткива од вселената до Земјата, одржувајќи ги под замрзнување без оштетување. Оваа технологија би можела да го продолжи рокот на траење на инженерските ткива и потенцијално да се примени на цели органи, велат тие.
Експериментот ќе биде изведен на вселенски лет планиран за февруари 2025 година.
(Reuters)
(фото: ESA)
