Кога се консумира преку согорување, на никотинот треба да се гледа слично како на кафето и енергетските пијалоци, наместо како на голем јавно здравствен проблем, сугерира клиничкиот психолог и експерт за никотин Карл Фагерстром.
Познат како изумител на тестот кој го одредува степенот на зависност од никотин, кој денес се користи во повеќето здравствени институции ширум светот, Фагерстром нагласува дека со соодветна регулатива и информации, никотинот е значително помалку штетен од согорувањето на тутунот.
Во тековната дебата за откажување од пушење и намалување на штети тој се појави како клучен застапник за воведување на никотински кесички како помалку штетна алтернатива за пушачите.
Фагерстром го истакнува пристапот на Шведска, каде што штетноста на производот го одредува неговото оданочување. Сеопфатен преглед објавен во списанието Nicotine & Tobacco Research ги поддржува тврдењата на Фагерстром, што укажува дека никотинските кеси содржат помалку штетни соединенија во споредба со цигарите и имаат потенцијал да ги намалат штетите поврзани со пушењето.
Оваа перспектива, исто така, се совпаѓа со позицијата на американската Администрација за храна и лекови (FDA), која го препозна позитивното влијание на никотинските кесички врз јавното здравје. Оваа агенција неодамна одобри комерцијализација на овие производи, што е одлука што оваа агенција ја носи кога врз основа на доставени научни докази ќе утврди дека продажбата на некој производ е во согласност со начелата за заштита на јавното здравје. Така, ZYN стана првиот и единствен производ од ваков вид овластен од FDA. По евалуацијата на обезбедените докази, заклучи дека предметниот производ носи повеќе придобивки за здравјето на населението отколку ризици, особено кога станува збор за возрасни пушачи кои целосно се префрлаат на никотински кесички ZYN.
Фагерстром е критичен за потенцијалните забрани за алтернативи на никотин, тврдејќи дека таквите мерки не се одржливи решенија. Тој предупредува дека забраната на овие производи може да го турне пазарот во нелегални канали, што ќе доведе до раст на неквалитетни, нерегулирани производи под контрола на организираниот криминал.
„Ова сценарио не само што ќе го поткопа јавното здравје, туку ќе резултира и со значителни загуби на даночните приходи за државата“, смета Фагерстром.
Фагерстром изразува загриженост и за ставот на Европската комисија за никотинските производи. Тој ја критикува забраната за снус (орални кесички за тутун многу популарни во Шведска), додека цигарите, најштетната форма на консумирање никотин, сè уште се достапни. Според Фагерстром, оваа недоследност ги попречува напорите да се намалат штетите поврзани со пушењето и тврди дека примарниот фокус треба да биде на спасување животи преку охрабрување на пушачите да се префрлат на помалку штетни производи.
(Time.rs)
(фото: Flickr)
