Европската комисија го намали притисокот врз европските производители на автомобили и даде повеќе време да ги постигнат целите во спроведувањето на правилата за намалување на емисиите на јаглерод диоксид.
Како што рече претседателката на Европската комисија Урсула фон дер Лајен по вториот состанок со претставници на европски компании, бизниси, синдикати и здруженија на потрошувачи и други актери, автомобилската индустрија бара поголема флексибилност и прагматизам во целите за намалување на емисиите на јаглерод диоксид, особено за 2025 година
Таа најави дека овој месец ќе предложи насочена измена на регулативата за стандарди за емисија на јаглерод диоксид кај возилата, која предвидува и финансиски казни во случај на непочитување.
Според неа, при исполнување на целите, кои инаку остануваат исти, наместо една ќе се бројат три години. „Тие ќе мора да ги исполнат целите, но тоа ќе значи повеќе простор за маневрирање за индустријата“, објасни фон дер Лајен, изразувајќи уверување дека Европскиот парламент и Советот на ЕУ брзо ќе го одобрат предложениот амандман.
Извори од индустријата рекоа дека усогласеноста ќе се заснова на просек од 2025 до 2027 година.
Повеќе за предлогот ќе се знае во среда, кога Европската комисија треба да го претстави акциониот план за иднината на европската автомобилска индустрија.
При изготвувањето на планот, европскиот комесар за одржлив транспорт, Апостолос Цикикостас, меѓу другото ќе ги земе предвид и иницијативите претставени во рамките на стратешкиот дијалог за иднината на европската автомобилска индустрија, кој започна на крајот на јануари.
Производителите на автомобили во ЕУ, погодени од затворањето на фабриките и сега се подготвуваат за американски тарифи, го повикаа Брисел да даде ослободување од казните за кои велат дека би можеле да пораснат до 15 милијарди евра доколку нивните автомобили не ги исполнат ограничувањата за емисија на јаглерод диоксид од 2025 година.
Извор – Seebiz.eu
Фото –
