Околу една шестина од целата обработлива земја во светот е загадена со токсични тешки метали, а дури 1,4 милијарди луѓе живеат во области со висок ризик, пишува The Guardian. Помеѓу 14% и 17% од обработливото земјиште во светот или околу 242 милиони хектари се загаден со најмалку еден токсичен метал, како што се: арсен, кадмиум, кобалт, хром, бакар, никел или олово – на нивоа што ги надминуваат земјоделските и здравствените стандарди.
Анализата е спроведена со помош на податоци собрани од повеќе од 1.000 регионални студии ширум светот, како и со користење на технологија за машинско учење. Загадувањето на почвата со тешки метали потекнува и од природните процеси и од човековите активности. Контаминираната почва претставува сериозен ризик за екосистемите и здравјето на луѓето, но исто така, ги намалува приносите и го загрозува квалитетот на водата и безбедноста на храната.
За да биде целата ситуација уште полоша, контаминацијата со отровни метали трае со децении откако почвата е прво загадена, а токсините може да се акумулираат долго време.
И додека побарувачката за критични метали се зголемува, научниците предупредуваат дека загадувањето со тешки метали ќе се влоши. Нашата глад за метали клучни за технолошкиот напредок и изградбата на зелена инфраструктура потребна за борба против климатските промени само ќе го зголеми загадувањето.
Комбинирајќи ги нивните податоци со податоците од студијата за глобалната дистрибуција на населението, истражувачите проценуваат дека меѓу 900 милиони и 1,4 милијарди луѓе живеат во области со висок ризик ширум светот.
Утврдено е дека кадмиумот е најраспространетиот токсичен метал и е особено распространет во Јужна и Источна Азија, делови од Блискиот Исток и во Африка.
(RTS)
(фото: Pixabay)
