Нафтата порасна на меѓународните пазари во среда, при што цената на барелот се приближи до 63 долари, откако податоците укажаа на поголема побарувачка во Соединетите Американски Држави и ги зголемија стравувањата на трговците за руската сурова нафта.
На лондонскиот пазар, цената на барелот се зголеми за околу 1,3 долари во споредба со претходното затворање на трговијата, на 62,59 долари, додека на американскиот пазар барелот се тргуваше по 58,56 долари.
„Цените на нафтата се зголемија по извештаите дека САД и Индија се блиску до финализирање на трговски договор со кој Индија постепено ќе го намали увозот на руска сурова нафта, што би можело да ја зголеми побарувачката за други видови нафта“, рече Суџин Ким, аналитичар во јапонската банка MUFG.
Претседателот на САД, Доналд Трамп, изјави во вторникот дека разговарал со индискиот премиер Нарендра Моди, кој, според него, го уверил дека Индија ќе го ограничи купувањето на руска нафта.
Според „Минт“, Вашингтон и Њу Делхи се блиску до постигнување договор во кој САД би ги намалиле царините за увоз од Индија – од сегашните 50% на околу 15 до 16%, што би можело дополнително да ја зголеми билатералната трговија и да влијае на глобалните енергетски пазари.
Фото – Stockvault
