XPENG Aridge започна со пробно производство во својата фабрика за летачки автомобили во Гуангжу, отворајќи ја првата линија за масовно производство на летачки автомобили во светот. Дебитантскиот модел на фабричкиот модуларен „Land Erkraft Karier“, кој комбинира патно возило и одвојлив воздушен модул – успешно го помина првото тест склопување.Се очекува сериското производство и првите испораки да започнат во 2026 година, дознава „Глобал тајмс“.
„XPENG Aridge“ планира да започне со масовно производство и испорака на својот летачки автомобил во 2026 година. Фабриката во Гуангжу моментално е во фаза на пробно производство – сè уште не сме започнале со целосно сериско производство, бидејќи пред тоа треба да добиеме сертификати за пловидбеност и дозволи за производство“, рече Жанг Суехуи, директор за комуникации на брендот.
Жанг објасни дека сегашните тест модели се користат главно за тестови за летање и верификација на перформансите. За разлика од другите брендови кои се фокусираат повеќе на деловни или институционални клиенти, „XPENG Aridge“ е насочен кон индивидуални потрошувачи, рече Жанг.
Компанијата сè уште не одржала официјален настан пред продажба. „Сè уште сме во раните фази на резервации, со ограничен број места за заинтересирани купувачи.“ Конечната цена сè уште не е утврдена, но ќе биде под 2 милиони јуани (околу 281.000 американски долари)“, рече Жанг.
„Официјалната претпродажба ја планираме по добивањето на потребните сертификати и почетокот на масовното производство, со цел да постигнеме производство и испорака во голем обем во 2026 година“, додаде таа.
Фабриката „XPENG Aridge“ во округот Хуангпу започна со пробно производство на 3 ноември, кога првиот модел излезе од производствената линија. Овој настан го означи завршувањето на првата масовно производствена линија во светот за летачки автомобили и отворањето на првата фабрика што користи современ систем за автомобилско склопување за големо производство на летачки возила, објави компанијата.
Планираниот годишен капацитет е 10.000 единици, со почетен обем од 5.000 единици, а кога фабриката ќе достигне полн капацитет, ќе може да произведува еден летачки модул на секои 30 минути, според компанијата.
До октомври, овој модел на автомобил добил околу 7.000 нарачки, според XPENG Motors. Меѓу клиентите се и компании и поединци, Компанијата потврди дека околу 90% од нарачките доаѓаат од Кина, а остатокот од странство.
Како што повеќе глобални компании влегуваат во секторот на летачки автомобили, конкуренцијата во индустријата се интензивира. Според извештајот на „Фокс бизнис“ од 2 ноември, извршниот директор на „Тесла“, Елон Маск, неодамна наговести дека „Тесла“ може да го претстави својот летачки автомобил.
Б92
Фото – Newsinfo.ru
