Срцевата инсузија, состојба во која срцето не може да пумпа крв низ телото со доволна сила, не мора да значи крај – но е клучно да се открие навреме. За разлика од срцев застој, кога срцето целосно застанува, при срцева слабост тоа продолжува да работи, но премногу слабо – што ги лишува ткивата од кислород и го спречува отстранувањето на штетните супстанции. Нов метод за скрининг што користи едноставен тест за плунка би можел навреме да предупреди за ризикот од срцева слабост, пишува Science Alert.
Иако не постои лек за срцева слабост, можно е да се постигне ремисија со навремен третман. Сепак, проблемот е што раните симптоми често се незабележливи и лесно можат да се помешаат со симптоми на други болести. Поради ова, дијагнозата често се поставува само во напредна фаза, а ситуацијата е дополнително комплицирана со недостапни, скапи и инвазивни процедури за скрининг.
Решението би можело да лежи во мал протеин наречен S100A7. Студиите покажаа дека нивоата на овој протеин се значително зголемени кај пациенти со акутна срцева слабост – речиси двојно повисоки отколку кај здрави лица. Оваа разлика може сигурно да се открие во примероци од плунка со помош на новоразвиен тест за информативна РНК (mRNA).
Анализирајќи примероци од 30 пациенти со срцева слабост, тестот за плунка се совпадна со стандардните медицински тестови приближно во 81% од времето. Покрај тоа, во споредба со примероците од шест здрави волонтери, тестот за плунка бил точен за 82% во идентификувањето на пациенти со срцева слабост, додека точноста на стандардните тестови базирани на истиот протеин била значително помала – само 52%.
Пред тестот да може да се користи пошироко, ќе треба да се тестира на многу поголема група луѓе.
„Оваа работа придонесува за развој на персонализирана здравствена заштита со тоа што им помага на луѓето да детектираат знаци и симптоми пред да се развие состојбата и лесно да го следат нејзиниот напредок“, објаснува Роксан Мучлер, дипломирана студентка по синтетичка биологија од Технолошкиот универзитет во Квинсленд во Австралија.
Истражувањето е објавено во списанието „Biosensors and Bioelectronics: X“.
(Index.hr)
(фото: Another Chance Rehab)
