Изгледа дека Netflix во иднина сака да воведе нови промени околу своите пакети, односно изгледа дека може целосно да се откаже од основниот и најевтин пакет без огласи. На тој потег се одлучија на канадскиот пазар и ќе биде интересно да се види дали ќе го прошири и на други пазари. Во Канада сега е достапен само стандарден пакет со огласи по цена од 6 канадски долари, додека следниот класичен стандарден пакет без огласи е по цена од 17 долари месечно. Основниот пакет чинеше 10 долари.
Моменталните корисници на основниот пакет и понатаму ќе можат да го користат, но кога ќе го сменат, повеќе нема да можат да се вратат на него. Исто така, тој пакет повеќе нема да биде достапен ниту за новите претплатници.
Интересно е тоа што при отворање на нов профил во САД, Netflix на корисниците повеќе не им нуди основен план, туку можат да изберат под опција од сите достапни планови. Што се однесува на најевтиниот пакет од приказот на огласите, од Netflix велат дека моментално користат повеќе од 5 милиони корисници. Според предвидувањата на аналитичарите, компанијата од огласи во текот на идната година би можела да заработи нешто помалку од 2 милијарди долари.
(TechCrunch)
(фото: Pixa Hive)
