Велика Британија во ноември ќе биде домаќин на глобален самит за вештачка интелигенција. Самитот ќе се одржи на 1 и 2 ноември во Блечли Парк, место во Милтон Кејнс во кој математичарот Ален Туринд ја разби воената шифра на уредите Enigmа на нацистичка Германија.
Челници на технолошки компании, владини претставници и научници ќе се соберат за да ги анализираат ризиците од вештачката интелигенција и да дискутираат за тоа како може да се ублажат истите.
На самитот веројатно ќе се зборува за прашања како што е спречување на користењето на вештачката интелигенција за ширење дезинформации во текот на избори и користење на технологијата во воени цели, се вели во анонимна изјава од владата.
Обединетото Кралство веќе долго време е дом на трансформативни технологии од иднината, така што нема подобро место за угостување на првиот глобален самит за безбедност на вештачката интелигенција отколку Блечли Парк, велат оттаму.
За целосно да ги прифатиме извонредните можности на вештачката интелигенција мора да се фатиме во костец со ризиците за да го осигураме нејзиниот безбеден развој во годините кои следуваат, додаваат.
(Zimo)
(фото: Pxhere)
