Како дел од својата платформа Creations за необични вкусови во ограничени изданија, брендот за безалкохолни пијалаци Coca-Cola ја претстави Coca-Cola K-Wave Zero Sugar – вкус кој ги слави корејскиот поп и обожавателите на бранот корејска култура што го зафати светот.
Отклучувајќи го заедничкото искуство на „Вистинска магија“, Coca-Cola K-Wave Zero Sugar создава наелектризиран универзум кој ги зближува фановите на корејскиот поп и нивните идоли за да го прослават уникатниот израз на нивната незаменлива посветеност. Кога обожавателите ќе отворат лименка Coca-Cola K-Wave Zero Sugar, ќе ја доживеат возбудата што ја почувствувале кога првпат станале обожаватели на популарниот К-Поп.
Кампањата за промоција на новиот вкус ќе вклучува активности на социјалните мрежи, виртуелни искуства создадени со помош на вештачката интелигенција, реални музички концерти во живо и модна колекција на облека и аксесоари.
„Возбудени сме што ќе ја прославиме една од најстрасните заедници на обожаватели во светот и ќе создадеме нови искуства кои се надеваме дека ќе им донесат магија на обожавателите на Coca-Cola ширум светот. Во духот на Coke Creations, искуството започнува со неверојатен вкус на Coca-Cola Zero Sugar придружен со овошна магија на К-Поп. Напитокот потоа отклучува други искуства, како патешествие создадено со помош на вештачката интелигенција во кое обожавателите ќе може да уредуваат музичко видео, како и уникатна соработка со JYP Entertainment и три сакани К-Поп групи“ – посочува Оана Влад, виш директор за глобална стратегија во The Coca-Cola Company.
Новата Coca-Cola K-Wave Zero Sugar ќе биде достапна на избрани пазари низ светот, вклучувајќи ги Франција, Шпанија, Германија, Полска, Холандија и многу повеќе.
Од нејзиното лансирање, платформата Coca-Cola Creations создава нови вкусови, дизајни и неочекувани искуства кои ги спојуваат музиката, модата и технологијата за обожавателите ширум светот. Со искористување на новите технологии, соработка со уметници и дизајнери и создавање искуства низ дигиталните и физичките светови, Coca-Cola Creations продолжува да го спојува култниот бренд Coca-Cola со нови изрази на креативност и културни врски што им овозможува на фановите да ја искусат вистинската магија на Coca-Cola.
Извор – Маркетинг 365
