Кина го основа најголемиот државен инвестициски фонд за полупроводници вреден 47,5 милијарди долари, а со инвестиции од шесте најголеми државни банки во земјата, фондот го нагласува притисокот на кинескиот лидер Кси Џинпинг да ја зајакне позицијата на Кина како технолошка суперсила.
CNN објави дека Пекинг си поставил цел Кина да ја направи глобален лидер во повеќе индустрии, вклучувајќи ги вештачка интелигенција, безжични мрежи 5G и квантни компјутери.
Најновото инвестициско средство е третата фаза на Кинескиот инвестициски фонд за индустријата за интегрирани кола.
„Големиот фонд“ беше официјално основан во петокот во Пекинг. Првата фаза на фондот е основана во 2014 година со 138,7 милијарди јуани (19,2 милијарди долари). Втората фаза беше основана пет години подоцна, со регистриран капитал од 204,1 милијарди јуани (28,2 милијарди долари).
Инвестициите имаат за цел да ја доближат индустријата за полупроводници во земјата до меѓународните стандарди до 2030 година и ги насочуваат парите првенствено во производство на чипови, дизајн, опрема и материјали, соопшти Министерството за индустрија и информатичка технологија на промоцијата на првата фаза во 2014 година.
(Bizlife)
(фото: Newsclick)
