Повеќето сопственици на домашни миленици би сакале да откријат што им кажува нивното куче со нивното лаење.
Можеме да ви кажеме дека веста за оваа студија ќе ве расположи. Научниците од Универзитетот во Мичиген моментално се во процес на истражување на сите можности што ги дава вештачката интелигенција во областа на комуникацијата. Истражувачите се обидуваат да развијат алатки кои ќе можат да идентификуваат дали лаењето на кучето е израз на разиграност или агресија.
Science Daily пишува дека истите модели ќе можат да собираат и други информации од гласовите на животните, како што се возраста, расата и полот на животното.
Во соработка со Мексиканскиот национален институт за астрофизика, оптика и електроника (INAOE) во Пуебла, студијата на која работат открива дека моделите на вештачка интелигенција, првично обучени за човечки говор, може да се користат како почетна точка за обука на нови системи насочени кон комуникација со животни.
„Користејќи модели за обработка на говор првично обучени за човечки говор, нашето истражување отвора нов прозорец за тоа како можеме да го искористиме она што го изградивме досега во обработката на говорот за да почнеме да ги разбираме нијансите на лаењето на кучињата“, рече Рада Михалчеа, универзитетски професор и директор на Лабораторијата за вештачка интелигенција на Универзитетот во Мичиген.
Таа, исто така, истакна дека има многу што сè уште не се знае за животните, а напредокот во вештачката интелигенција може да послужи како револуција во разбирањето на комуникацијата со нив.
Како пречка таа го истакна фактот дека наишле на недостиг на јавно достапни податоци за анализа на гласовите на животните. Истражувачите ги надминаа овие предизвици со пренамена на постоечки модел кој првично беше дизајниран да го анализира човечкиот говор.
Разбирањето на нијансите на вокализациите на кучињата може значително да го подобри начинот на кој луѓето ги толкуваат и реагираат на емоционалните и физичките потреби на кучињата, подобрувајќи ја нивната грижа и спречувајќи потенцијално опасни ситуации, велат истражувачите.
(CDM)
