Истражувачи од Пекинг велат дека создале јадења од ориз кои вклучуваат вградување на месните клетки во различни видови жито одгледувани во лабораторија за да произведат избалансирани, хранливи оброци.
Истражувањето, кое сè уште не е објавено во рецензирани академски списанија, е предводено од Кинескиот центар за истражување на месо на Академијата за науки за храна во Пекинг и беше објавено во понеделникот од списанието Science and Technology Daily.
Ванг Шоувеи, главниот научник кој стои зад проектот, вели дека јадењата со пилешко и ориз одгледувани во лабораторија визуелно не се разликуваат од обичните сорти.
„Но, кога се варат, тие ја ослободуваат комбинираната арома на месо и ориз“, рече Шоувеи.
Месото произведено со одгледување животински клетки во лабораторија се смета за едно од најперспективните решенија за неефикасноста и влијанијата врз животната средина на традиционалното сточарство.
Според научниците, истражувачите претходно го третирале оризот, користејќи го како структура за одгледување слој од пилешки или свински клетки на површината.
„Процесот може да вклучи и мускулни и масни клетки за да се создаде избалансиран нутритивен профил“, се вели во извештајот.
Добиениот ориз ги задржува диеталните влакна, јаглехидратите, витамините и минералите од обичниот ориз со додавање на есенцијални аминокиселини и животински протеини. Сликите објавени од весникот покажуваат дека научниците одгледувале пилешко и свинско месо во комбинација со ориз, виолетов ориз и просо.
Но, пред нешто од ова да стане реалност, сè уште има голем број технички предизвици што треба да се надминат пред култивираното месо да се пресели од лабораторија на комерцијалните пазари.
(Klix.ba)
(фото: Peekpx)
