Несигурноста на храната за јадење е сериозен проблем во светот. Ако на тоа ги додадеме војните, политичките немири и климатските променикаде што гладува една третина од населението. Земјоделството и производството на храна добија удар бидејќи станува тешко да се одгледуваат култури во услови на флуктуирачки климатски услови и да се задоволат потребите за храна на постојано растечката популација. Ова прашање загрижува многумина, а како едно потенцијално решение финскиот стартап Solar Foods го претстави Solein, протеин добиент од микроорганизми користејќи CO2 и електрична енергија.
Според Solar Foods, Solein е револуционерен протеин и може да го поттикне глобалното производство на храна. Иако сè уште е во пробна фаза, овој изум може да помогне во справувањето со несигурноста на храната и земјоделскиот сектор кој се бори да ја задоволи глобалната побарувачка.
Основана во 2017 година, од Solar Foods тврдат дека Solein може да се произведува побрзо од другите извори на протеини и теоретски може да понуди неограничено снабдување со храна користејќи воздух и електрична енергија.
Станува збор за жолта прашкаста материја која содржи хранлив профил сличен на сувото месо. Велат дека протеинскиот прав има витални аминокиселини, кои му се потребни на човечкото тело заедно со различни витамини. Пилот-лабораторијата Ѕolar Foods во Еспо, во близина на Хелсинки, до денес произведува Solein.
Наводно, зачетокот на овој протеин бил во Финскиот национален истражувачки институт, каде што Solar Foods соработувал со тим од научници за да го разберат концептот за нов вид на земјоделство.
Д-р Паси Ваиника, сосновач и извршен директор на Solar Foods, изјави за Interesting Engineering дека тие се класичен пример за тоа како новите работи се појавуваат од вкрстувањето на научните дисциплини. Нивниот пристап овозможува да одгледуваат организми врз основа на неземјоделски производи или шеќери, исклучувајќи го неговото производство од влијанијата врз животната средина на земјоделството.
Додека работела на енергетските системи во Националниот институт за истражување, Ваиника дознала за микроорганизам кој не користи шеќер како извор на енергија, наместо тоа се потпира на водород за метаболизирање на јаглерод диоксидот. Таа спровела студија за да утврди дека електричната енергија може да обезбеди H2 за овие организми да се репродуцираат користејќи само резервоар со вода и атмосферски CO2.
Таа вели: „Ако организмите би можеле да се јадат, тогаш би можеле да ја претвориме електричната енергија во храна. И еве сме, осум, девет, речиси 10 години по тие први мисли“.
Компанијата има капацитет со резервоар за ферментација од 20.000 литри, кој може да произведе 160 тони биомаса за јадење годишно, што е доволно за производство на околу шест милиони оброци. Резервоарите за ферментација се користат за одгледување на микроорганизми, кои се филтрираат и се сушат во прав. Според компанијата, овој прав може да биде одржлив извор на храна во време кога земјоделството е катастрофално погодено од климатските промени.
Најдоброто нешто за Solein е тоа што може да се одгледува насекаде, дури и во најтешките клими, вклучувајќи ги пустините и тундрите, бидејќи не се потпира на земјоделството, времето или климата.
За одгледување килограм Solein потребни се приближно 1% од водата и 5% од обработливото земјиште што би го направило одгледувањето на еквивалентно количество растителни протеини и создава само една петтина од емисиите на јаглерод диоксид во процесот, велат од компанијата.
(Planet Custodian)
(фото: Solar Foods)
