Воведувањето реклами на TikTok во Хрватска може да означи пресвртница за популарната платформа
Порталот Маркетинг 365 пренесува дека огласувањето на TikTok конечно доаѓа во Хрватска на 1 август! Оваа вест неизбежно ќе го разбранува морето меѓу хрватските корисници, особено оние кои го користат TikTok за бизнис промоција. Ако сте некој што сака да се огласува на хрватскиот пазар, важно е да разберете како оваа промена може да влијае на вашиот бизнис.
Што е TikTok?
TikTok е социјална мрежа за споделување кратки видеа која експлодира во популарност во последниве години. Платформата е позната по својата способност да создава вирална содржина во рекордно време. Корисниците снимаат и споделуваат видеа кои се движат од 15 секунди до 3 минути, често придружени со музика или звучни ефекти. Алгоритмот на TikTok игра клучна улога во неговата популарност, бидејќи препорачува видеа засновани на интеракции на корисниците, како што се прегледи, допаѓања и споделувања.
Алгоритмот на TikTok: пријател или непријател?
Алгоритмот на TikTok, познат по својата непредвидливост, честопати е меч со две острици за корисниците. Од една страна, може да ви донесе неверојатна видливост преку ноќ, но од друга страна, може да ве игнорира и покрај квалитетот на вашата содржина. Алгоритмот користи машинско учење за да ги анализира преференциите на корисниците и да прикаже содржина што најверојатно ќе го привлече нивното внимание. Со воведувањето на рекламите, ова се менува. Корисниците сега ќе имаат поголема контрола врз тоа на кого, кога и како се прикажува нивната содржина, намалувајќи ја зависноста од алгоритмот.
„Алгоритмот на TikTok е неверојатно софистициран, но честопати непредвидлив. Воведувањето реклами ќе им даде на корисниците поголема контрола и ќе им овозможи попрецизно да стигнат до својата целна публика“ – посочува Драгана Пехар од Pehar Marketing.
Како функционира TikTok?
Успехот на TikTok лежи во неговата единствена комбинација на алгоритми, интерактивност и забавна содржина. Корисниците создаваат видеа со едноставни алатки за уредување, користејќи филтри, ефекти и музика од обемна библиотека. TikTok, исто така, ги поттикнува корисниците да учествуваат во предизвиците и трендовите, што дополнително го зголемува ангажманот.
Влијанието на огласувањето врз TikTok
Воведувањето реклами на TikTok носи нова динамика на платформата. Досега, корисниците можеа органски да привлечат внимание преку креативни видеа. Сега, со огласувањето, компаниите ќе можат да плаќаат за прикажување на нивните видеа на одредени целни групи, намалувајќи ја зависноста од непредвидливиот алгоритам. Огласувачите ќе имаат можност прецизно да таргетираат публика врз основа на демографија, интереси и однесување.
Сепак, тоа не значи дека можете да ја игнорирате креативноста. Досадните реклами нема да привлечат внимание и може да резултираат со финансиски загуби. Затоа, соработката со експерти за дигитален маркетинг станува суштинска.
„Огласувањето на TikTok ја отвора вратата за нови можности, но бара високо ниво на креативност и разбирање на платформата“, додава Пехар.
Револуција или еволуција?
Дигиталната агенција Pehar Marketing е меѓу првите во Хрватска која нуди огласувачки услуги на TikTok. Со нивниот експертски тим, веќе длабоко навлезен во културата на TikTok, корисниците можат лесно да ги приспособат своите стратегии и да ја искористат оваа промена. Подобра видливост, креативен пристап, професионална поддршка и зголемен сообраќај се само дел од придобивките од соработката со агенцијата.
Дали сте спремни?
Нова дигитална револуција е веднаш зад аголот. Прашањето е дали ќе ја пресретнете подготвени или вашиот дел од колачот ќе го оставите на конкуренцијата? Долколку сакате да се огласувате на TikTok во Хрватска, пријавувањето на листата за чекање е веќе започнато.
Повеќе информации на tiktokmarketing.hr
Фото – Pixabay
