Во јули, 1,35 милиони електрични возила – целосно електрични (BEV) или plug-in хибридни (PHEV) – беа продадени ширум светот. Од нив, 880.000 се продадени во Кина, што претставува раст од 21 отсто на годишно ниво, покажуваат податоците.
Во првите седум месеци од 2024 година, бројот на продадени plug-in хибриди во Кина се зголеми за 70 отсто во споредба со истиот период минатата година.
Кинескиот и најголемиот производител на електрични возила во светот, BYD, објавија дека ја зголемиле својата глобална продажба на BEV и PHEV за 13 и 44 проценти, соодветно, во истиот период. Во Европа, на месечно ниво, продажбата во јули е намалена за 7,8 отсто, додека во седумте месеци од годинава тие се непроменети во однос на истиот период лани.
Во Германија, најголемиот пазар за електрични возила во ЕУ, во првите седум месеци од оваа година, продажбата е намалена за 12 отсто во споредба со истиот период лани. Во САД и Канада, продажбата на електрични возила се зголеми за 7,1 отсто во јули.
BYD продолжи со рекордна продажба на plug-in хибриди и овој месец, што е клучен придонес за глобалната продажба бидејќи обемот на продажба му е голем – изјави Чарлс Лестер од Rho Motion.
Возила со зголемен опсег, хибридни автомобили на батерии кои се полнат со помош на генератор на одборот, исто така се продаваат во голем број, рече Лестер.
Тешко е да се очекува раст на побарувачката на електрични автомобили во Европската унија, имајќи предвид дека во јули Унијата воведе привремени царини за увоз на електрични автомобили произведени во Кина – од 17,4 на 37,6 отсто.
(Seebiz.eu)
Фото – Pixabay
