Според новите упатства на шведските здравствени власти, децата на возраст под две години не треба да бидат изложени на екрани, додека тинејџерите не треба да поминуваат повеќе од три часа дневно пред екран. Насоките, исто така, им препорачуваат на родителите да ја ограничат употребата на паметни уреди, но и да бидат свесни за сопственото однесување кога се на мобилни телефони во присуство на деца.
Според новите упатства на шведските здравствени власти, децата на возраст под две години не треба да бидат изложени на екрани, додека тинејџерите не треба да поминуваат повеќе од три часа дневно пред екрани. Насоките, исто така, им препорачуваат на родителите да ја ограничат употребата на паметни уреди, но и да бидат свесни за сопственото однесување кога се на мобилни телефони во присуство на деца.
Ова е првпат шведската јавно здравствена организација Folkhalsomindiheten да издаде препораки за регулирање на времето поминато пред екраните за деца и млади. Децата на возраст од две до пет години треба да имаат време на екранот ограничено на еден час дневно, додека децата на возраст од шест до 12 години не треба да поминуваат повеќе од два часа дневно пред екран. За тинејџери на возраст од 13 до 18 години се препорачуваат најмногу три часа.
Овие препораки значително го намалуваат моменталното просечно време на екранот меѓу шведските деца и младинци. Се проценува дека децата на возраст меѓу девет и 12 години поминуваат во просек по четири часа дневно пред екранот на мобилниот телефон, а 17 и 18-годишниците повеќе од седум часа дневно, не вклучувајќи ги училишните обврски.
Министерот за социјални работи на Шведска, Јакоб Форсмед, предупреди на негативните последици од прекумерната употреба на дигиталните медиуми врз здравјето на децата, вклучувајќи лош сон и симптоми на депресија. „Предолго дозволувавме екраните и апликациите да украдат време и внимание на сметка на она што знаеме дека е од суштинско значење за благосостојбата. Овие упатства обезбедуваат важна поддршка за поздрава, посвесна и одговорна употреба на екранот“, рече Форсмед.
Исто така, се препорачува да се избегнуваат екрани пред спиење и да се забрани употребата на екрани во спалните соби во текот на ноќта. „Здравјето на децата ја плаќа цената за профитот на технолошките компании“, вели Форсмед. Новите упатства се наменети и за возрасни и за деца и даваат мотивација и совети како подобро да се справат со овој сеприсутен проблем.
(tPortal)
Фото – Pexels
