Растегливите екрани на LG се појавија на модна ревија како дел од концептот за облека и чанти, што се случи на модната недела во Сеул. Екраните беа додадени на предниот дел на облеката, на ракавите и на чантите дизајнирани од јужнокорејските дизајнери Јун-Хи Парк и Чунг-Чунг Ли.
„Успеавме да дизајнираме модни концепти за иднината со нови материјали кои никогаш порано не постоеле“, рече Парк.
Екраните што може да се рстегнуваат, да се свиткуваат и да се извиткуваат одат чекор подалеку од екраните што се виткаат, што се користат за мобилни телефони што се преклопуваат. За да ги направи уште пофлексибилни, LG направи супстрат од силикон сличен на оној што се користи за контактни леќи со микро ЛЕД помали од 40 микрометри, кои служат како извор на светлина. LG истакнува дека екраните можат да се истегнат и до 20%.
Флексибилната технологија за носење е многу истражувана за потребите на модата, а дефинитивно има и невидливи намени. Јужна Кореја започна национален проект за тестирање на нивниот комерцијален потенцијал за нови видови технологија за носење во повеќе индустрии. Главниот предизвик беше екраните да се чувствуваат повеќе како ткаенина наместо како пластика, но LG изгледа дека барем делумно го реши проблемот.
(Innavate Magazine)
(фото: YouTube)
