Кинескиот производител на автомобили Chery Auto е подготвен да инвестира милијарди евра во маркетингот и развојот на брендовите Omoda и Jaecoo во Европа во следните три години, а исто така размислува и за изградба на уште една фабрика на истокот на Стариот континент.
Chery Auto ги лансира Omuda и Jaecoo во Европа оваа година, со првичен фокус на возилата со бензински мотори. Откако ќе започне продажбата во Шпанија, Италија, Полска и во Велика Британија, во наредните месеци ќе бидат вклучени повеќе земји, како и хибридни и целосно електрични модели.
Во интервју за Reuters извршниот директор на Omoda и Jaecoo за Италија, Кевин Ченг, рече дека Kia, Hyundai, Nissan и Volkswagen се мерат со овие брендови. На јужнокорејската Kia и требаа речиси 20 години да стане бренд од доверба во Европа, а нашата цел е да го изградиме тој статус во рок од три години, рече Ченг.
Инвестициските планови за маркетинг и развој на брендови во Европа се доверливи, но има огромна сума на пари, милијарди евра, додаде тој. Извозните марки на Chery, Omoda и Jaecoo, не дадоа кумулативни бројки за продажбата во Европа, но рекоа дека продале речиси 150.000 возила во првите осум месеци од оваа година.
Европската унија предлага дополнителна царина од 20,7% за автомобилите Chery, како дел од планираните царини за електричните возила произведени во Кина.
Тоа е предизвик, рече Ченг, иако ЕУ предлага пониски тарифи за Chery отколку за производителите како SAIC Motor. Сакаме да воспоставиме добри односи со ЕУ. Производството на автомобили во Европа ќе ни помогне да ги избегнеме царините, рече тој.
До крајот на годинава најголемиот кинески производител на автомобили по обем на извоз треба да започне со производство во неодамна купената фабрика во Барселона, првата производствена локација во Европа, во соработка со шпанскиот партнер ЕВ Моторс. Групацијата исто така разгледува опции за друга локација во Европа.
Италијанската влада веќе е во преговори со Chery и други кинески производители на автомобили, вклучително и Dongfeng Motor, за да го поттикне домашното производство на автомобили. Chery ја разгледува и Источна Европа како опција за втора локација за производство, изјави извор за Ројтерс.
(Reuters)
(фото: Wikimedia)
