Од пивото Цингтао во Кина до пивото Перони во Италија, многу земји имаат развиено пива со долга традиција, додека во исто време бројот на мали и микропиварници на меѓународно ниво постојано расте. И додека пивото најчесто се консумира во региони како Азија и Европа, неговата потрошувачка е многу помала на Блискиот Исток.
Веќе 15 години по ред, Азија е водечки регион во потрошувачката на пиво во светот. Повеќе од една третина од вкупната потрошувачка на пиво во светот, поточно 34 отсто, е токму во Азија, а тоа е повеќе отколку што се консумира во Северна и Латинска Америка заедно.
Благодарение на двоцифрениот раст во Виетнам и Индија, потрошувачката на пиво во Азија ќе порасне за 4,9 отсто во 2022 година. Зад Азија е Европа, а Чешка, Австрија и Полска се водечки во светот по потрошувачка на пиво по глава на жител.
Во однос на производството на пиво, Германија далеку ги надминува сите други европски земји со 7,6 милијарди литри годишно, што е повеќе од една петтина (22 отсто) од производството во целата Европска унија. Шпанија е на второ место, со 3,9 милијарди литри произведени во 2022 година, покажуваат податоците на Кирин холдинг.
Најбрзи годишни стапки на раст на потрошувачката на пиво има во Јужна и Централна Америка, а овој раст е највисок во Мексико, дури 14,5 отсто беше пред две години.
Покрај тоа, Мексико е најголемиот светски извозник на пиво, минатата година тие извезеа пиво во вредност од 6,1 милијарди долари во 180 земји во светот.
Што се однесува до Африка, Намибија има најголема потрошувачка на пиво по глава на жител, а оваа земја на западниот дел од континентот е рангирана на 10-то место во светот. Исто така, таа е единствената земја надвор од Европа која се наоѓа во првите 10, а поширокиот африкански регион учествува со 8 отсто од глобалната потрошувачка на пиво, надминувајќи ги Океанија и Блискиот Исток.
(Nova ekonomija)
Фото – Flickr
