На предлог на Министерството за економија, Владата ја усвои „есенската кошница“. Со ова се замрзнува бруто профитабилната маржа на максимални 10 проценти во трговија на мало и на големо. Есенеската кошница содржи 73 прехранбени производи, кои се редовни намирници кои ги пазарат граѓаните.
„Во листата на прозводи, спаѓаат брашно, леб и пекарски производи, млеко и млечни производи, месо и преработки од месо, дел од овошјето и зеленчукот, ориз, грав, тестенини, масло за јадење и дел од конзервираните производи“, вели Бесар Дурмиши.
Производите кои се вклучени во есенската кошница, трговците се должни јасно да ги означат со натписот „Помалку трошоци, повеќе за тебе“ кој е објавен на веб страницата на Министерството за економија и труд.
Оваа мерка ќе трае до 31 октомври оваа година. Меѓутоа, во наредниот период мерката есенска кошничка ќе се применува и во иднина, како божиќкна, рамазанска, велигденска кошница, со времетраење на празниците, кога вообичаено поскапуваат основните продукти.
Фото – Pxhere
