Alef Aeronautics го претстави летачкиот автомобил Alef Model A претходно оваа година, што предизвика голем интерес. Сега објавија дека досега добиле над 3.200 нарачки за овој модел, чија почетна цена е околу 300.000 долари.
PUCARA Aero и MYC со искуство во производство на делови за авиони за Boeing и Airbus започнаа заедничко вложување и потпишаа договор за производство на делови за Alef. Првите примероци на овој летачки автомобил треба да бидат произведени до крајот на следната година.
Калифорниската компанија, поддржана од SpaceX на Маск, го претстави својот прв автомобил на почетокот на оваа година – Model A. Станува збор за двосед кој, кога е на пат, функционира како електричен автомобил опремен со четири електрични мотори. Има осум пропелери. Кога се користи како авион, кабината се ротира за 90 степени, така што предниот и задниот дел на возилото делуваат како крило.
Според најавите на производителот, автомобилот треба да може да помине до 320 километри на пат и до 180 километри во воздух.
Минатата година Федералната управа за авијација му додели на Alef Aeronautics специјален сертификат и му дозволи да лета за ограничени цели. Компанијата работи и на автомобил за четири лица, моделот Z, кој треба да биде лансиран до 2035 година по цена од само 35.000 долари.
(021)
(фото: YouTube)
