Кина извезе повеќе од 60.000 електрични возила во Европската унија во септември, при што испораките скокнаа на второто највисоко ниво во историјата пред објавувањето на дополнителни царини на крајот на октомври.
Кинеските компании испорачале 60.517 електрични возила во ЕУ минатиот месец, што е за 61 отсто повеќе од истиот месец минатата година, пренесува Блумберг. Претходниот рекорд на кинескиот извоз на електрични возила во Европската унија беше забележан во октомври 2023 година, односно периодот кога Европската комисија започна истрага за кинеските субвенции за производство на електрични автомобили.
Земјите од Европската унија на 4 октомври гласаа за воведување нови царини до 35 отсто за електрични возила произведени во Кина, а десет земји членки, вклучувајќи ги Франција, Италија и Полска, ја поддржаа мерката. Кина и Европската унија се уште преговараат за алтернативно решение на проблемот, но се очекува царините да стапат на сила на крајот на октомври.
Извршниот директор на германскиот производител на автомобили Мерцедес Ола Келениус ја повика Европската унија да го одложи воведувањето дополнителни царини за да не се загрозат преговорите меѓу Брисел и Пекинг. Потребна ни е повеќе слободна трговија наместо трговски бариери“, рече шефот на Мерцедес.
Извор – Bizlife.rs
Фото – Wikimedia
