Подружницата на TCL за производство на екрани CSOT го претстави првиот во светот 65-инчен 8K флексибилен OLED екран направен со технологија за инк-џет печатење со најголема резолуција и стапка на освежување од 120 Hz минатата година.
Екранот користи технологија на задниот панел IGZO TFT и технологија за ултрапрецизно печатење со инк-џет за да прикаже мазен приказ од 33 милиони пиксели по рамка. Комбинирајќи ултратенки и флексибилни модуларни материјали со висока јачина, производот има радиус на свиткување помал од R25 mm и животен век на свиткување до 100.000 пати.
Сега компанијата објави дека новите OLED екрани треба да влезат во масовно производство во декември оваа година. Најинтересно е што нивното производство според TCL CSOT значително ги намалува трошоците, што на крајот би требало да доведе до поевтини и подостапни OLED екрани за крајните корисници.
Се вели дека новите екрани постигнуваат со 50% помала загуба на светлина и 1,5 пати поголема ефикасност, додека ги намалуваат трошоците за производство за 20%.
Инк-џет печатењето веќе се користи во производството на OLED за додавање слоеви на капсулација и примена на квантни точки во QD-OLED-овите на Samsung, но TCL CSOT отиде подалеку. Тие го користат за емитери и други материјали, што им помага подобро да ги искористат своите ресурси, постигнувајќи материјална ефикасност до 90%.
Компанијата планира да започне со мало производство кон крајот на 2024 година, почнувајќи со 21,6-инчни 4K OLED панели за медицински монитори, а во 2025 година планираат да произведуваат OLED панели со средна големина за компјутери.
(Vidi.hr)
(фото: Wikimedia)
