Минатото лето, Tesla лансираше нови функционалности на својот дигитален систем, првенствено наменети за деловните корисници и оние кои управуваат со поголема флота од нивните автомобили. Така, системот почна да се отвора за надворешни програмери, давајќи им на нивните апликации малку поголема слобода и пристап до поширок опсег на податоци за возилата, на крајот намалувајќи ги вкупните трошоци за користење, одржување и слично за сопствениците на возен парк, а сето тоа преку оптимизација на употреба на возилото.
По неколку години работа во сивата зона без официјален API, програмски интерфејс за размена на податоци со Tesla, оваа промена беше поздравена од програмерската заедница поврзана со Tesla како добредојден додаток кој ќе им ја олесни работата. Некои се надеваа дека отворањето на екосистемот ќе продолжи, т.е. дека покрај деловните корисници, корист од API ќе можат да имаат и приватни корисници, односно апликациите кои го користат, овозможувајќи различни функции поврзани со автомобили во приватна сопственост. Ова ќе создаде растечка заедница на програмери и ќе го зголеми бројот на корисници, но тогаш следуваше вистински ладен туш за нив.
Имено, деновиве Tesla објави нов ценовник за пристап до нивните сервери и податоци, што ги шокираше програмерите, пренесува порталот Tesla North. Цените за пристап се доста високи, па за 1 долар можете да добиете нешто од следното: 150.000 сигнали за стриминг, 1.000 наредби, 500 барања за податоци итн. Иако можеби ова ви звучи како многу, овие кредити се трошат многу брзо при редовна работа со апликации кои имаат голем број корисници, па програмерите лесно можат да направат високи сметки за кратко време.
Еден од нив, чија апликација Tessie има 400.000 корисници, вели дека според тој ценовник, Tesla би требало да плати дури 60 милиони долари за пристап до API. Само за еден автомобил, вели тој, кој би бил во режим Sentry Mode (снимање на околината со камера за надзор) за еден месец цената би била 175 долари. Доколку на овој начин сите корисници му ја остават апликацијата на еден месец, тоа би го чинело – 987 милиони долари годишно.
Сопственикот на апликацијата Teslemetry проценува дека пристапот до API би го чинел 25 пати повеќе од тековниот годишен приход на апликацијата (околу 900.000 долари годишно), додека апликацијата Teslascope вели дека нивните сметки би биле 7,5 пати повисоки од нивните приходи. За сите нив примената на новиот ценовник би значело едноставно исклучување на апликацијата. Други веруваат дека би можеле да го префрлат преносот на податоци на Bluetooth конекција со автомобилот или директно преку IP протоколот, заобиколувајќи го официјалниот API.
(Tesla North)
(фото: Flickr)
