Од TikTok во петокот предупредија дека ќе бидaт принудени да се затворат во недела, освен ако администрацијата на претседателот Џо Бајден не обезбеди гаранции за компанијата. Изјавата дојде неколку часа откако Врховниот суд на САД го потврди законот со кој се забранува TikTok во САД поради национална безбедност, освен ако кинеската матична компанија ByteDance не го продаде на одобрен американски купувач, што таа продолжува да го одбива.
Со оваа одлука популарната апликација за кратки видеа е во опасност утре да исчезне од американскиот пазар. Apple, Google, Oracle од Alphabet и други би можеле да се соочат со огромни казни доколку продолжат да обезбедуваат услуги на TikTok по стапувањето на сила на забраната.
„Доколку администрацијата на Бајден веднаш не даде дефинитивна изјава за да ги задоволи најкритичните даватели на услуги со гаранција за неисполнување, TikTok, за жал, ќе биде принуден да прекине со работа на 19 јануари“, соопшти компанијата.
Судската одлука ги става платформата и нејзините 170 милиони американски корисници во неизвесност, а нејзината судбина во рацете на Доналд Трамп, кој вети дека ќе го спаси TikTok откако ќе се врати на претседателската функција во понеделник.
Законот беше усвоен со огромно двопартиско мнозинство во Конгресот минатата година и потпишан од Бајден, иако растечкиот број пратеници кои гласаа за него сега бараат TikTok да продолжи да работи во САД.
TikTok, ByteDance и некои од корисниците на апликацијата го оспоруваат законот, но Врховниот суд одлучи дека тој не ја нарушува заштитата на Првиот амандман против владините ограничувања на слободата на говорот, како што тврдеа тие.
Трамп, кој се обиде да го забрани TikTok во 2020 година, рече дека планира да преземе чекори за да ја зачува апликацијата.
„Мојата одлука за TikTok ќе биде донесена во не толку далечна иднина, но треба да имам време да ја разгледам ситуацијата. Останете во тек“, рече Трамп во објавата на социјалните мрежи, кој за ова разговараше и телефонски со кинескиот претседател Си Џинпинг во петокот.
Кинеската сопственост на TikTok со години предизвикува загриженост кај американските лидери, при што пратениците и администрацијата на Бајден велат дека Кина може да го користи TikTok за собирање податоци за милиони Американци за вознемирување, регрутирање и шпионажа. а борбата против оваа платформа се одвиваше во време на зголемени трговски тензии меѓу двете најголеми светски економии.
(TikTok)
(фото: Unsplash)
