НАСА лансираше сателит за да утврди каде се наоѓа водата на страната на Месечината која постојано е во сенка, вклучително и на половите. Ракетата Falcon 9 на SpaceX во средата тргна од вселенскиот центар Кенеди во Кејп Канаверал, носејќи орбитер на НАСА, Lunar Trailblazer.
Сателитот е секундарна носивост на ракетата, а примарната носивост била мисија за лендер на Месечината предводена од Intuitive Machines, пренесува Reuters.
Lunar Trailblazer, кој тежи околу 200 килограми и е широк околу 3,5 метри кога соларните панели се целосно распоредени, беше испратен во вселената за да ја пронајде и да ја мапира водата на површината на Месечината.
Планирано е Lunar Trailblazer да изврши серија прелетувања на Месечината и кружни орбити во период од неколку месеци за да се позиционира и детално да ја мапира површината. На крајот ќе орбитира на надморска височина од приближно 100 км и ќе собира слики со висока резолуција од целните области за да го одреди обликот, дистрибуцијата и изобилството на вода и подобро да го разбере лунарниот воден циклус.
„Гледаме мали количини вода на деловите на Месечината осветлени од сонцето, што е мистериозно. Најинтересни за многумина е потенцијално големите количества мраз во трајно засенчените области на половите на Месечината“ велат од НАСА.
(021)
(фото: Deviant Art)
