Apple следната година конечно ќе го претстави долго озборуваниот iPhone на преклоп, а неговата цена ќе биде околу 2.000 долари, тврди добро информираниот новинар на Bloomberg, Марк Гурман.
Коментарите на Гурман за плановите на Apple да го претстави првиот таков уред на компанијата од Купертино укажуваат на тоа дека тој ќе се појави во 2026 година, а своите тврдења ги базира на информации од сигурни извори.
Аналитичарот Џеф Пу вели дека првиот iPhone на преклоп е во фаза на воведување нов производ (NPI) во Poxconn и дека масовното производство ќе започне во втората половина на 2026 година.
Новиот iPhone ќе има сличен стил како Galaxy Z Fold на Samsung, кој користи механизам за преклопување како книга наместо механизам на преклоп како Galaxy Z Flip. Гурман тврди дека верзијата на Apple ќе има помал набор на екранот кога ќе се отвори, додека други извештаи велат дека браздата ќе биде практично невидлива за човечкото око.
Според Гурман, уредот ќе има екран, батерија, модем и процесор што Apple ги разви во процесот на развој на iPhone 17 Air, уредот што ќе го замени моделот Plus во поставата на Apple оваа година.
Што се однесува до цената, Гурман очекува дека iPhone на преклоп ќе чини околу 2.000 долари. Некои извештаи наведуваат почетна цена од 2.300 долари во САД, што би го направило смартфонот на преклоп најскапиот iPhone во историјата.
(Bloomberg)
(фото: Trusted Reviews )
