Вештачката интелигенција има потенцијал да ги преобликува индустриите на глобално ниво и со тоа да ги промени економските односи во светот. Затоа е важно прашањето кои земји имаат најголеми иновации на вештачката интелигенција.
Еден начин да се измери лидерството е со поднесување патенти, кои законски ги штитат новите идеи или пронајдоци. Во случај на вештачка интелигенција, обезбедувањето патент обично вклучува демонстрација на уникатни методологии, алгоритми за машинско учење или апликации кои можат значително да ги унапредат постоечките технологии.
Иако Кина поднела повеќе патенти за генеративна вештачка интелигенција од која било друга земја помеѓу 2014 и 2023 година – повеќе од 38.000 – експертите предупредуваат дека таа бројка не мора да укажува на нејзината технолошка доминација. Имено, најголемиот дел од овие патенти се поднесени само во Кина, а само 7,3% од поднесените патенти биле поднесени до меѓународни организации.
Дополнително, Кина има сооднос од 55% од одобрените патенти за кои се применуваат на меѓународно ниво, други земји како Јапонија (70%) и Канада (77%) имаат значително повисоки стапки. Бројките објавени од кинеското Министерство за индустрија и информатичка технологија во април 2024 година сугерираат дека стапката на одобрување на кинески патенти за вештачка интелигенција е уште помала – 32%. Ова може да укажува на квалитетот на патентите од Кина.
Иако САД имаат помалку регистрирани патенти за вештачка интелигенција од Кина, неспорно е дека тие играат клучна улога во насока на глобалниот развој на вештачката интелигенција. Во 2024 година американските организации произвеле 40 „значајни модели на вештачка интелигенција“, во споредба со само 15 во Кина.
Американските патенти и публикации за вештачка интелигенција, исто така, добиваат значително повеќе глобални цитати, што укажува на нивното значително влијание. На пример, OpenAI објави само 48 статии (рангирани на 325-то место), но неговите публикации добија 11.816 цитати (рангирани на 13-то место).
(Bug.hr)
(фото: Flickr)
