Фризерските салони низ кинеската провинција Гуангжу се повеќе воведуваат машини за миење коса со вештачка интелигенција, кои, според локалните медиуми, ја завршуваат работата за само 13 минути. Оваа технолошка иновација е дел од поширокиот тренд на автоматизација на услугите, а јавноста веќе ја нарече „АI шампон-манија“.
Машините работат со помош на инфрацрвени сензори, кои го препознаваат типот на косата на корисникот и автоматски го избираат соодветниот шампон и техника за миење. Сопственикот на салон во округот Tianhe истакнува дека уредите нудат повеќе режими на работа – од брзо миење до продолжени третмани, како и можност за прилагодување на интензитетот на масажата на скалпот. Тие се прилагодени на клиенти со различна должина на коса.
Кога услугата за прв пат била воведена, цената на една сесија била околу 1,35 долари, но поради интересот на корисниците, таа била речиси двојно зголемена на околу 2,60 долари.
И покрај растечката популарност, корисничките искуства се измешани. Некои известуваат дека масажата е премногу груба, додека други сметаат дека уредот не постигнува задоволителни резултати.
„Го пробав и џабе е, главата ме боли“, вели еден корисник на Weibo, кинескиот еквивалент на платформата X. Друг корисник додава: „Го пробав, само прска пена и се плакне со вода, но не може ни да стигне до мојата глава. Не е доволно чист, морав да го завршам миењето со рака“.
Без разлика на приговорите, многумина веруваат дека за оваа цена вреди да се даде шанса на автоматското миење на косата.
(Bizlife)
(фото: YouTube)
