Одлично здравје може да се случи преку ноќ со Galaxy Watch

Скопје, 16 јуни 2025 – Кога станува збор за вашето здравје, малите промени можат да направат голема разлика. Секое постапно подобрување на вашите дневни навики придонесува и води кон поздрава целина, а новиот Galaxy Watch ќе помогне да ги изградите овие навики уште поефикасно, со низа нови функции за подобрување на спиењето, здравјето на срцето, фитнесот и исхраната.

Што е ново:

• Новите функции вклучуваат Насоки за време на спиење (Bedtime Guidance), за оптимизирање на вашиот сон; Васкуларно оптоварување (Vascular Load), за мерење на стрес на вашето срце додека спиете; Running Coach, за помош при стратешко планирање на тренинзите; и Antioxidant Index, за мерење на вашите каротеноиди за здраво стареење.
• Овие нови функции се дел од One UI 8 Watch, кои ќе бидат достапни на најновата серија Galaxy Watch, која ќе пристигне подоцна овој месец. И пред тоа, функциите ќе бидат достапни преку бета програма за ограничен број на корисници на Galaxy Watch.

Зошто е важно: 

Целта на овие нови функции е да ви помогнат да изградите поздрави дневни навики, што може да биде предизвик, бидејќи тие не се развиваат веднаш. Потребно е време за да се акумулираат овие образци на однесување, а значајните промени често стануваат видливи дури по долг период. Но, резултатите се исплатат.

• На пример, јадењето нездрава храна можеби нема веднаш да влијае на вашето здравје, но со текот на времето може да има значајни последици.
• Напротив, усвојувањето на здрави навики можеби нема да покаже непосредни резултати, но со текот на времето води до позитивни промени во вашето тело и ум.
• Новите функции на Samsung Health имаат за цел да ви помогнат да развиете здрави навики преку мотивирање со моментални повратни информации за вашето здравје. Овие функции ве инспирираат да ги одржувате вашите навики преку обезбедување резултати или предупредувачки знаци и демонстрирање на непосреден ефект од вашето однесување.

„Сонот останува основа на нашиот пристап кон здравјето, бидејќи влијае на физичката и менталната благосостојба, социјалните односи, па дури и на работните перформанси“, изјави д-р Хон Пак, старши потпретседател и раководител на тимот за дигитално здравје, Mobile eXperience, Samsung Electronics. „Сега, го замислуваме нашиот Galaxy Watch како уред кој ќе обезбеди холистички увид во сонот – увиди кои водат до значајни промени во секојдневниот живот. Веруваме дека ова се вклопува во нашата визија за овозможување на луѓето да водат поздрав живот преку проактивна грижа и холистичко управување со здравјето.“

Истражете нови здравствени функции

Новите функции на Samsung Health имаат за цел да им помогнат на корисниците да развијат здрави навики, користејќи моментални повратни информации за здравјето како мотивирачки алатка.

Насоки за време на спиење 

Една ноќ со одморен сон нуди непосредни здравствени придобивки, поттикнувајќи поактивни промени во однесувањето и води до поздраво утре. Ова започнува со редовно и оптимално време за спиење.

• Постојано се стремиме да ги унапредуваме нашите алатки поврзани со спиењето кои вклучуваат анализа на образците на спиење, тренер за спиење и оптимизирање на условите за спиење. Тие вклучуваат и функција која открива знаци на апнеја¹ во сон — нарушување на спиењето — и ви помага да преземете проактивни мерки.
• Сега нудиме дополнителни алатки за подобар сон преку предлог за оптимално време за спиење, базирано на вашиот животен стил и образците на спиење, додека ви испраќаме потсетници за да ви помогнеме да се придржувате кон тоа.
• Анализирајќи ги вашите образци на спиење во последните три дена, функцијата ја проценува вашата потреба за спиење и вашиот циркадијален ритам за да пресмета време за спиење кое ја максимизира будноста следниот ден.
• Оваа функција е особено корисна за оние кои се обидуваат да го оптимизираат својот сон по периоди на нередовно време за спиење. На пример, ако неколку дена одите на спиење подоцна од планираното, или имате неконзистентен распоред на спиење помеѓу работни денови и викенди, насоките за времето на спиење ќе ги земат во предвид овие фактори за да осигураат дека ќе добиете доволно сон.

Васкуларно оптоварување 

Сонот е прозорец на целокупното здравје, бидејќи холистички влијае на благосостојбата. Galaxy Watch ја користи оваа можност за мерење на васкуларното оптоварување — количината на стрес врз вашиот васкуларен систем додека спиете.

• Васкуларниот систем ја носи крвта низ телото за да обезбеди кислород и хранливи материи, и да ги отстрани отпадните материи, што го прави силен индикатор за одредување на доброто здравје на срцето.
• За време на спиењето, стресот на вашиот васкуларен систем треба природно да се намали; сепак, прекумерните флуктуации можат негативно да влијаат на здравјето на срцето.
• Едноставно носете го вашиот часовник додека спиете, и тој ќе го измери васкуларното оптоварување, обезбедувајќи увид во стресот врз вашиот васкуларен систем².
• Покрај тоа, бидејќи сите здравствени фактори се поврзани, функцијата обезбедува и увид во животните фактори како што се спиењето, вежбањето и стресот за да ви помогне да одржите поздрав животен стил и да развиете позитивни навики.

Тренер за трчање 

Додека сонот е драгоцено време за негување и грижа за вашето здравје, управувањето со вашето здравје за време на активните моменти е еднакво важно. Трчањето е една од најосновните и универзално достапни фитнес активности, а Samsung долго време се залага за поддршка на оние кои трчаат — нудејќи функции кои помагаат секому да остане активен и да ги постигне своите фитнес цели.

• Многу трчачи се соочуваат со повреди поради пребрзо темпо или пак не го користат својот потенцијал за трчање оптимално. Тренерот за трчање е дизајниран да им помогне безбедно да ги завршат маратоните преку тренинг со оптимизиран интензитет и превенција на повреди, што го прави идеален за почетници.
• Нашата нова функција Тренер за трчање обезбедува мотивација и насоки во реално-времена, креирајќи уникатен тренинг план заснован на вашето фитнес ниво, за да ви помогне да ги постигнете вашите цели.
• Едноставно, носете го вашиот часовник и трчајте 12 минути; тој ќе го анализира вашиот перформанс и нивото на трчање од 1-10. Ќе добиете детален план за тренинг кој ќе ви помогне да истрчате 5K, 10K, половина маратон или цел маратон, врз основа на вашето ниво. Завршете го вашиот тренинг и ќе напредувате, ќе го отклучите следниот предизвик за трчање.

Индекс на антиоксиданти

Кога се применува холистички пристап кон здравјето, природно се фокусираме на стареењето и мотивација за здраво стареење. Сепак, факторите на однесување — како што се консумирање алкохол, пушење, изложеност на УВ зраци, стрес и недостаток на сон — можат да го забрзаат стареењето со зголемување на слободните радикали во телото. Овие слободни радикали ги оштетуваат клетките и го забрзуваат стареењето. Антиоксидантите — нутриенти кои се наоѓаат во разни видови на здрава храна — се молекули кои ги неутрализираат овие слободни радикали, помагајќи во превенцијата на хронични болести и промовирање на здраво стареење.

• Користете го Galaxy Watch за мерење на каротеноидите, кои се антиоксиданти што се наоѓаат во зелените и портокаловите зеленчуци и овошја, складирани во вашата кожа.
• Galaxy Watch користи иновативна функција, која прва во индустријата ја мери количината на каротеноиди за само пет секунди преку својот напреден, светлосно активиран BioActive сензор.
• Овие увиди одразуваат промени во однесувањето — на пример, консумирањето на сок од моркови може да покаже промени во индексот — обезбедувајќи мотивација за усвојување поздрави навики.

Одличното здравје доаѓа од комбинацијата на многу мали промени — и со Galaxy Watch, сега е можно тоа да се случи преку ноќ.

¹ Функцијата за апнеја во сон е мобилна медицинска апликација која работи само со софтвер, достапна е без рецепт (OTC), и функционира на компатибилни Samsung Galaxy Watch и телефон. Оваа функција е наменета за откривање на знаци на умерена до тешка опструктивна апнеја во сон во форма на значајно нарушување на дишењето кај возрасни корисници од 22 години и постари, преку двочасовен период на мониторирање. Таа е наменета за користење по барање. Оваа функција не е наменета за корисници кои веќе имаат дијагностицирано апнеја во сон. Корисниците не треба да ја користат оваа функција како замена за традиционалните методи на дијагноза и третман зададен од квалификуван лекар. Податоците обезбедени од овој уред исто така не се наменети за помош на лекарите во дијагностицирање на нарушувања во спиењето. Достапноста може да варира во зависност од пазарот, операторот, моделот или спарениот паметен телефон.

²Резултатите се достапни по три дена носење на часовникот.

За Samsung Electronics Co., Ltd.

Samsung го инспирира светот и ја обликува иднината со трансформативни идеи и технологии. Компанијата ги редефинира световите на телевизорите, паметните телефони, преносливите уреди, таблетите, домашните апарати, мрежните системи, меморијата, системските LSI и производството на чипови. Исто така, Samsung напредува во областа на роботиката, медицинските уреди, автомобилските компоненти и аудио производите за потрошувачите. Samsung овозможува беспрекорно поврзано искуство преку својот SmartThings екосистем и отворена соработка со партнерите. За најнови вести, посетете ја https://www.samsung.com/mk/news/.