Holidu, компанија која им помага на луѓето да резервираат сместување за одмор, објави листа со најдобрите плажи во Европа според прегледите на Google. Списокот се заснова на прегледи од туристи. Неколку плажи имаат иста висока оценка (4,9 и 4,8 од 5), но плажата со најмногу критики е повисоко рангирана, пренесува Index.hr.
Топ 10 плажи во Европа во 2025 година:
Спиаџа деи Кониги, Италија (4,9)
Барафунде беј, Обединето Кралство (4,9)
Трајт Мунт, Обединето Кралство (4,9)
Вулакомби, Обединето Кралство (4,8)
Залив Данрејвен, Обединето Кралство (4,8)
Кала Мариолу, Италија (4,8)
Плаја де Кофете, Шпанија (4,8)
Симос, Грција (4,8)
Праја да Адрага, Португалија (4,8)
Плаја де Маталењас, Шпанија (4,8)
Според нивното истражување, најдобрата плажа е во Италија. Тоа е Спиаџа деи Кониги, позната и како Зајачка плажа. Има оцена од 4,9 врз основа на 2.967 прегледи. Позната е по својот беспрекорен бел песок и кристално чиста тиркизна вода. Оваа плажа често се смета за една од најубавите во светот.
На второто место со истиот рејтинг, но врз основа на 1.668 прегледи, се најде плажата Барафунде Беј, која се наоѓа во регионот Пемброкшир во Обединетото Кралство. Често се опишува како „скриен скапоцен камен“. На трето место е Трајт Мунт, плажа во Кардиган, Велс. Оваа шармантна плажа е позната по својот бел песок и иконската црква Мунт со поглед на заливот.
(Index.hr)
(фото: Good Fon)
