Лидл е познат како синџир на продавници за попуст кој, покрај храната, со години вклучува и разни непрехранбени производи во својата понуда – од облека и алати до играчки и предмети за домаќинството.
Според германскиот весник Lebensmittel Zeitung, Лидл сега планира да отвори посебна продавница во Германија само за тие производи – без асортиман на храна – со што влегува во директна конкуренција со дисконтери како што се Action, кои заедно со Tedi и Woolworth бележат силен раст на пазарниот удел во тој сегмент, објавува Fenix Magazine.
Новата продавница ќе има доволно простор за сите шест брендови на Лидл: Parkside (алатки), Crivit (спорт), Esmara (мода), Silvercrest (електроника), Livarno (опрема за домот и градината) и Lupila (детски производи). Концептот ќе се вика Lidl Home & Living, а првата локација ќе биде во Лотштетен, во близина на границата со Швајцарија. Спроти новата продавница веќе има класичен супермаркет на Лидл.
Доколку новиот концепт биде добро прифатен од клиентите, Лидл планира да отвори повеќе вакви продавници за Home & Living низ цела Германија. Извори блиски до компанијата наведуваат дека целта е да се зајакне долгорочната позиција на Лидл во таканаречениот непрехранбен сегмент.
Во една од претходните тест продавници во близина на седиштето на компанијата во Некарзулм (покраина Баден-Виртемберг), Лидл го тестираше концептот на таканаречените „потреби на светот“, каде што производите беа распоредени според теми – како што се „направи сам“, градина, спорт и начин на живот, мода, детски свет и кујна и домаќинство. Асортиманот беше визуелно кодиран во боја и прикажан на тематски полици.
(Investitor.me)
Фото – Wikimedia
